kabhii lehrain tera chehra jo banaanay lag jayen
merii ankhain mujhay darya main bahaanay lag jayen
kabhii ik lamhaa-e-fursat jo muyassar aa jaaye
meri sochain mujhay soolii peh charhaanay lag jayen
intizaar uss kaa naa itnaa bhi ziyaadaa karnaa
kya khabar barf pighalnay main zamaanay lag jayen
aankh uthaa kar bhii na dekhain tujhay din main hum log
shab ko kaghaz peh tera chehraa banaanay lag jayen
No comments:
Post a Comment